"انتهى بالتصالح".. الفنان تامر فرج يكشف تفاصيل ما حدث معه على طريق الواحات
11:11 ص الجمعة 09 ديسمبر 2022 كتب- هاني صابر: كشف الفنان تامر فرج، تفاصيل ما حدث معه على طريق الواحات . وكتب فرج، عبر حسابه على إنستجرام: "أرجو تحري الدقة.. الموضوع ببساطة إن طريق الواحات كان زحمة قدام الكومباوند بتاعي وأنا داخل من البوابة سيارة أخرى حكت بسيارتي من الخلف، والطبيعي نزلنا اتخانقنا شوية ثم كإجراء طبيعي عملنا محضر وانتهى بالتصالح". وتابع: "فوجئت بتليفونات كتير وأنا قاعد على الكنبة قدام التليفزيون من أصدقاء بيتطمنوا عليا عشان المفروض أنا عملت حادثة مروعة وعربيتي اتدشدشت زي ما انتوا شايفين في الصورة والخبر". وأوضح: "طبعا أنا بصدق السوشيال ميديا، فنزلت جري اتطمن على عربيتي المركونة قدام البيت أول حاجة، وبعد ما لقيتها بخير دخلت تاني اتطمن بعد كده على نفسي، وسألت المدام قالتلي إن أنا بخير، فبقيت مش عارف أصدق مراتي ولا أصدق السوشيال ميديا". وأَضاف: "كان معدي بالصدفة دكتور العلاج الطبيعي صديقى دكتور أمجد هزاع، وقف يحوش، أصبح هو الطبيب الشهير اللي أنا بتخانق معاه كما يدعي الخبر.. لا مؤاخذة يا دكتور أدي عيب اللي يصاحب فنانين". يذكر أن، تداولت عدة أخبار خلال الساعات الماضية بتعرض الفنان تامر فرج لحادث سير بسيارته بمدينة السادس من أكتوبر، وأنه أثناء خروج "فرج" من بوابة كمبوند بحي الأشجار -محل سكنه- اصطدم بسيارة طبيب شهير، وتبادلا الاتهامات بينهما.
#انتهى #بالتصالح #الفنان #تامر #فرج #يكشف #تفاصيل #ما #حدث #معه #على #طريق #الواحات
